Avropa çempionatı: Azərbaycan basketbol millisi son oyunlarına çıxacaq
Bakı, 25 iyul, AZƏRTAC
Bu gün Azərbaycanın 18 yaşadək oğlan və qızlardan ibarət basketbol yığmaları Avropa çempionatında növbəti oyunlara çıxacaqlar.
AZƏRTAC xəbər verir ki, hər iki milli son oyunlarında Ermənistanla üz-üzə gələcək. Görüşlər Kosovonun paytaxtı Priştina şəhərində reallaşacaq.
C divizionunda mübarizə aparan oğlanlardan ibarət komanda daha əvvəl Moldovaya (87:76) qalib gələrək yarımfinala vəsiqəni təmin edib.
Qızlardan ibarət kollektiv isə Albaniyanı (72:53) və Gürcüstanı (74:68 ) məğlub edərək 1/2 finala vəsiqə qazanıb.
Qeyd edək ki, qız millimizin oyunu Bakı vaxtı ilə saat 16:30-da, oğlanlardan ibarət komanda isə 18:00-da meydana çıxacaqlar.
Bölmənin digər xəbərləri
