Avropa çempionatı: Azərbaycanın qızlardan ibarət basketbol millisi yarımfinalda
Debretsen, 24 iyul, AZƏRTAC
Azərbaycan basketbol millisi Kosovonun paytaxtı Priştina şəhərində 18 yaşa qədər qızlar arasında Avropa çempionatının “C” divizionunda ikinci qrup oyununu keçirib.
AZƏRTAC xəbər verir ki, B qrupunda qərarlaşmış yığmanın qrupda ikinci rəqibi Gürcüstan seçməsi olub. Matça sürətli başlayan Azərbaycan millisi rəqib üzərində 74-68 hesablı qələbə qazanıb. Qarşılaşmanın ən məhsuldar basketbolçusu yığmanın üzvü Şilan Akbingöl (19 xal, 11 ribaund) seçilib. Bu qələbə ilə Azərbaycan kollektivi Avropa çempionatının yarımfinalına vəsiqə qazanıb. Millinin qrupdakı son oyunu iyulun 25-i Bakı vaxtı ilə saat 16:30-da Ermənistan yığmasına qarşı olacaq.
Bölmənin digər xəbərləri
