Avropa çempionatının startında Azərbaycan basketbolçularının rəqibləri Belçika yığması olacaq
Bakı, 27 iyul, AZƏRTAC
Bu gün, iyulun 27-də Skopyedə (Makedoniya) yeniyetmə komandalar arasında B divizionunun basketbol üzrə Avropa çempionatı start götürür.
AZƏRTAC xəbər verir ki, Azərbaycan yığması turnirin ilk matçında Belçika komandası ilə qarşılaşacaq. Oyun saat 18:30-da başlanacaq. Azərbaycan komandası daha sonra Estoniya (iyulun 28-də) ilə, Macarıstan (iyulun 29-da), Avstriya (iyulun 31-də) və Gürcüstan basketbolçuları ilə (avqustun 1-də) görüşəcək.
Bu qrupda start turunun digər matçlarında Estoniya - Gürcüstan və Avstriya - Macarıstan cütlükləri qarşılaşacaq.
Basketbol üzrə Avropa çempionatında 24 komanda iştirak edir.
Bölmənin digər xəbərləri
