AVROPA FUTBOL ÇEMPİONATININ QRUP OYUNLARI BAKIDA KEÇİRİLƏCƏKDİR
Yığıncaqda 19 yaşlı qadınlar arasında 2005-2006-cı illər Avropa çempionatının seçmə qrup oyunlarından sonrakı vəziyyət müzakirə olunmuş və 2006-2007-ci illərdə keçiriləcək növbəti qitə çempionatının püşkü atılmışdır. Püşkatmanın nəticələrinə görə, 44 komanda 11 yarımqrupda mübarizə aparacaqdır. Azərbaycanın 19 yaşlılardan ibarət milli yığma komandasının təmsil olunduğu IX qrupun oyunları Bakıda keçiriləcəkdir. Millilərimiz Serbiya və Çernoqoriya, Şimali İrlandiya və Danimarka komandaları ilə eyni qrupdadır. Oyunlar 2006-cı il sentyabrın 26-dan oktyabrın 2-dək Tofiq Bəhramov adına Respublika stadionunda olacaqdır.
Bölmənin digər xəbərləri
