Avropa Liqası: “Beşiktaş” doğma meydanda İspaniya klubunu məğlub edib
Bakı, 22 yanvar, AZƏRTAC
UEFA Avropa Liqasının əsas mərhələsinin VII turunda daha bir oyun keçirilib.
AZƏRTAC xəbər verir ki, Türkiyənin “Beşiktaş” klubu doğma meydanda İspaniyanın “Atletik” komandasını qəbul edib. “Vodofon Park” stadionunda oynanılan görüş ev sahiblərinin 4:1 hesablı qələbəsi ilə yekunlaşıb. Qolları Milot Raşitsa (2 qol), Rafa Silva və Joa Mario vurublar.
Bu, Ule Qunnar Sulşerin “qara qartallar”ın sükanı arxasında ilk sınağı olub. Bu nəticədən sonra xallarını 9-a çatdıran İstanbul təmsilçisi 18-ci pilləyə yüksəlib. Bilbao klubu isə 16 xalla 2-ci pillədə qərarlaşıb.
Qeyd edək ki, VII turun açılış matçında Türkiyənin digər komandası “Qalatasaray” evdə Ukraynanın “Dinamo” (Kiyev) klubu ilə məhsuldar heç-heçə edib – 3:3. Bu raundun digər oyunları yanvarın 23-də keçiriləcək.
Bölmənin digər xəbərləri
