SİYASƏT
Avropa Şurasının nümayəndəsi: Azərbaycan dinlərarası dialoqun təşviqində fəal iştirak edir
Bakı, 5 noyabr, AZƏRTAC
Azərbaycanda iqlim dəyişikliyinin təsirlərinin azaldılması üçün siyasi iradə var. Ekologiyamızın qorunması gələcəyimiz üçün mühüm rol oynayır.
AZƏRTAC xəbər verir ki, bu sözləri Avropa Şurasının Baş katibinin antisemit, antimüsəlman və dini dözümsüzlüyün digər formaları və nifrət cinayətləri üzrə xüsusi nümayəndəsi Aleksandre Guessel Dünya dini liderlərinin qlobal Bakı Sammitinin plenar iclasında deyib.
O bildirib ki, iqlim dəyişikliyi fundamental insan hüquqlarına təhlükə törədir: “Səylərimizi dialoqun qurulması, tolerantlıq mühitinin inkişafı, sülhün qorunması üçün birləşdirməliyik”.
Aleksandre Guessel, həmçinin vurğulayıb ki, Azərbaycan dinlərarası dialoqun təşviq olunmasında fəal iştirak edir.
