AVSTRİYA BANKININ MÜTƏXƏSSİSLƏRİ İSPANLARI FİNALA ÇIXARMIŞLAR
AZƏRTAC xarici KİV-lərə istinadla xəbər verir ki, İsveçrənin iri “UBS AG” bankının ardınca Avstriyanın “Raiffeisen Zentralbank”ı (RZB) da futbol üzrə XIII Avropa çempionatının final mərhələsində istirak edəcək 16 yığma komandanın qələbəyə şansları ilə bağlı araşdırma aparmışdır.
Təqdiqata əsasən, final görüşündə İspaniya komandası üzərində qələbə qazanacaq Çexiya yığması qitə çempionu olacaqdır. Oyunun əsas vaxtı və əlavə olunmuş 30 dəqiqə 0:0 hesabı ilə heç-heçə qurtaracaq və onbirmetrlik zərbələrdən sonra (5:3) Çexiya qalib gələcəkdir.
RZB-nin mütəxəssislərinin qənaətinə görə, ispanlar “D” qrupunda keçiriləcək oyunlarda Rusiya (3:0), İsveç (2:0) və Yunanıstan (4:1) yığmaları üzərində qələbə qazanacaq, dörddəbir finalda Hollandiyanı, yarımfinalda isə İtaliyanı eyni hesabla (3:1) məğlub edəcəklər.
Maraqlıdır ki, İsveçrənin “UBS AG” bankının mütəxəssisləri də Çexiya yığmasının Avropa çempionu olacağını proqnozlaşdırmışlar. Onların tədqiqatına görə, çexlər finalda italyanlara qalib gələcəklər.
Bölmənin digər xəbərləri
