DÜNYA
AVSTRİYA PREZİDENTİ AZI 14 GÜN ƏRZİNDƏ SÜNİ YUXU VƏZİYYƏTİNDƏ OLACAQDIR
AZƏRTAC-ın İTAR-TASS agentliyindən aldığı xəbərə görə, Avstriya Prezidenti Tomas Klestilin səhhəti yaxşılaşmağa doğru getsə belə, o, süni yuxu vəziyyətində olacaq və azı 14 gün bu halda qalacaqdır. Bunu iyulun 5-də keçirilən mətbuat konfransında Vyana klinik xəstəxanasının direktoru, professor Raynhard Krepler bildirmişdir. İyulun 5-də səhər ağır vəziyyətdə klinikaya gətirilən Avstriya dövlətinin başçısı intensiv müalicə şöbəsində yerləşdirilmişdir.
Kreplerin sözlərinə görə, ağ ciyərin funksiyalarının pozulmasına nəfəs çatışmazlığı səbəb olmuş və nəticədə, prezidentin ürəyi dayanmışdır. Həkim demişdir: ”Onun həyatı hələ də ciddi təhlükədədir. Biz çox narahatıq, lakin hər şeyin yaxşı qurtaracağına ümid var”.