Azərbaycan-Albaniya əlaqələrinin inkişafından məmnunluq ifadə olunub
Bakı, 4 dekabr, AZƏRTAC
Azərbaycanın xarici işlər naziri Elmar Məmmədyarov Bazeldə albaniyalı həmkarı Ditmir Buşati ilə görüşüb.
Xarici İşlər Nazirliyinin mətbuat xidmətindən AZƏRTAC-a verilən məlumata görə, görüşdə ölkələrimiz arasında əlaqələrin inkişafından məmnunluq ifadə olunub, ikitərəfli və çoxtərəfli əsasda əməkdaşlıq məsələləri müzakirə edilib.
Söhbət zamanı Azərbaycanın Avropanın enerji təhlükəsizliyində oynadığı vacib rol qeyd edilib, Trans-Adriatik və Trans-Anadolu layihələrinin əhəmiyyəti vurğulanıb.
Görüşdə qarşılıqlı maraq doğuran regional və beynəlxalq məsələlər barədə fikir mübadiləsi aparılıb.
Bölmənin digər xəbərləri
