Azərbaycan alimi zəlzələnin proqnozlaşdırılması üçün yeni metod hazırlamışdır
Azərbaycan alimi zəlzələnin proqnozlaşdırılması
üçün yeni metod hazırlamışdır
Bakı, 28 sentyabr (AZƏRTAC). Sentyabrın 28-də Azərbaycan Milli Elmlər Akademiyasının (AMEA) Geologiya İnstitutunda seysmologiyanın aktual problemlərinə həsr olunmuş seminar keçirilmişdir.
AZƏRTAC xəbər verir ki, seminarda AMEA Respublika Seysmoloji Xidmət Mərkəzinin baş geofiziki Tahir Məmmədlinin “Seysmik rayonlaşdırmaya yeni yanaşma və Azərbaycan ərazisinin seysmik təhlükə səviyyəsinin yenidən qiymətləndirilməsi” mövzusunda məruzəsi dinlənilmişdir.
Məruzəçi zəlzələlərin proqnozlaşdırılmasında istifadə olunan metodların özünü doğrultmadığını tədbir iştirakçılarının diqqətinə çatdırmış və seysmik rayonlaşdırma məqsədilə hazırladığı yeni metodu təqdim etmişdir.
Eyni zamanda, azərbaycanlı alimin yeni metod əsasında tərtib etdiyi respublika ərazisinin seysmik xəritə-sxemi seysmoloqların müzakirəsinə təqdim olunmuşdur.
Bölmənin digər xəbərləri
