Azərbaycan basketbol millisi Avropa çempionatında növbəti oyununa çıxacaq
Bakı, 24 iyul, AZƏRTAC
Bu gün Azərbaycanın 18 yaşadək qızlardan ibarət basketbol millisi Avropa çempionatında növbəti oyununa çıxacaq.
AZƏRTAC xəbər verir ki, yığma C divizionunun B qrupunda Gürcüstan seçməsi ilə üz-üzə gələcək. Kosovonun paytaxtı Priştinada keçiriləcək görüş Bakı vaxtı ilə saat 19:00-da start götürəcək.
Evrən Alkayının rəhbərlik etdiyi milli komanda ötən gün ilk oyunda Albaniyanı 72:53 hesabı ilə məğlub edib.
Qeyd edək ki, Azərbaycan yığması qrupun son matçında iyulun 25-də Ermənistanla qarşılaşacaq.
Bölmənin digər xəbərləri
