Azərbaycan basketbol millisinin üzvü: Qələbə enerjimizi saxlamalı və sabahkı matçlarda qalib gəlməliyik
Bakı, 11 iyul, AZƏRTAC
İki əla oyun keçirdik.
Bu sözləri AZƏRTAC-a açıqlamasında basketbolun 3x3 növü üzrə qadınlardan ibarət Azərbaycan millisinin üzvü Dina Ulyanova Buxarestdə keçirilən Dünya Qadın Seriyasının əsas qruplarına yüksəlmələri barədə danışarkən deyib.
O, heç bir rəqibdən zəif olmadıqlarını bildirib: “Digər komandalardan çəkinmirik. Hər bir nəticə gözlənilə bilər. Bu gün biz əlimizdən gələni etdik. Komandamla qürur duyuram. Qələbə enerjimizi saxlamalı və sabahkı matçlarda qalib gəlməliyik. Bunu bacaracağımıza inanırıq”.
Qeyd edək ki, Raşa Deliçin başçılıq etdiyi yığma A qrupunda ilk olaraq Yaponiyanın “Sukuba” komandasına 21:10, ikinci oyunda isə İsveçrə təmsilçisi "Lozanna"ya 21:11 hesabı ilə qalib gəlib və əsas qruplara vəsiqə qazanıb.
Komanda iyulun 12-də əsas mərhələnin C qrupunda Ukrayna və Sinqapur kollektivləri ilə qarşılaşacaq.
Bölmənin digər xəbərləri
