Azərbaycan boks millisi Avropa birinciliyini 13 medalla başa vurub
Bakı, 17 iyul, AZƏRTAC
Serbiyanın Novi Pazar şəhərində yeniyetmə boksçular arasında keçirilən Avropa birinciliyi başa çatıb.
Boks Federasiyasından AZƏRTAC-a verilən məlumata görə, yarışın son günündə Azərbaycan millisinin daha bir medalı rəsmiləşib.
+80 kiloqramda mübarizə aparan Səfdər Məmmədzadə finalda rusiyalı Boqdan Smolkinlə döyüşüb. Görüş rəqibin 3:2 (26:30, 28*:28, 28*:28, 26:30, 29:27) hesablı qələbəsi ilə yekunlaşdığından boksçumuz gümüş medalla kifayətlənib.
Bununla da, yığmamız Avropa birinciliyini 1 qızıl, 4 gümüş və 8 bürünc medalla başa vurub. Milli bu göstərici ilə komanda hesabında 3-cü yeri tutub.
Boksçularımızdan daha öncə Əminə Tağı (50 kiloqram) Avropa çempionu tituluna yiyələnib. Cəmilə Muradlı (52 kiloqram), Fidan Bakarova (63 kiloqram), Səma Abbasova (66 kiloqram) gümüş, Qardaş Rəhimov (46 kiloqram), Məhəmməd Rəsulov (50 kiloqram), Raul Heydərli (54 kiloqram), Şahin Aslanov (60 kiloqram), Haqverdi Həsənov (63 kiloqram), Aylin Nəzərova (46 kiloqram), Gülər Hüseynova (48 kiloqram) və Zəhra Məmmədova (54 kiloqram) bürünc medal qazanıblar.
Bölmənin digər xəbərləri
