Azərbaycan cüdoçuları Təl-Əviv Qran-Prisində çıxışlarını davam etdirirlər
Bakı, 25 yanvar, AZƏRTAC
İsrailin paytaxtı Təl-Əvivdə keçirilən cüdo üzrə Qran-Pri turnirinin birinci gününün yarışlarına yekun vurulub.
AZƏRTAC xəbər verir ki, cüdoçularımız turnirin birinci gününü medalsız başa vurublar. Yarışların ikinci günündə Rüstəm Orucov (73 kq) Özbəkistan təmsilçisi Uluqbek Otamurodov və israilli cüdoçu Din Yakov Gemerlə qüvvəsini sınayacaq. Hidayət Heydərov (73 kq) isə Jorge Fernandes (Portuqaliya) və Ciovanni Espozito (İtaliya) ilə mübarizə aparacaq. Turnirdə 81 kiloqram çəki dərəcəsində mübarizə aparan Murad Fatiyev Avstraliya idmançısı Eoin Couqlan ilə üz-üzə gələcək.
Bölmənin digər xəbərləri
