Azərbaycan Dəmir Yolları: Altı ayda hərəkətdə olan sərnişin qatarlarına 21 dəfə daş atılıb
Bakı, 23 iyul, AZƏRTAC
Cari ilin ilk 6 ayında Azərbaycan Dəmir Yollarının (ADY) hərəkətdə olan sərnişin qatarlarına 21 dəfə daş atılıb.
AZƏRTAC xəbər verir ki, bu barədə “Azərbaycan Dəmir Yolları” QSC məlumat yayıb.
“Bu hadisələr nəticəsində qatarlara ziyan dəyib, sərnişinlərin və qatar heyətinin təhlükəsizliyi ciddi risk altına düşüb. Bu cür qanunsuz hərəkətləri törədən şəxslər hüquq-mühafizə orqanları tərəfindən müəyyən edilərək qanunvericiliyə uyğun qaydada cəzalandırılır. Azyaşlıların törətdiyi hallarda isə onların valideynləri və ya qanuni nümayəndələri qanunvericilikdə nəzərdə tutulmuş məsuliyyət daşıyırlar. Valideynlərdən xahiş edirik ki, uşaqlarını bu cür təhlükəli hərəkətlərdən çəkindirsin, onlarla dəmir yolu ətrafında təhlükəsiz davranış qaydaları barədə söhbət etsinlər”, - deyə məlumatda qeyd olunub.
Bölmənin digər xəbərləri
