“AZƏRBAYCAN DİASPORUNA DÖVLƏT QAYĞISI” KİTABI ÇAPDAN ÇIXMIŞDIR
Bakı, 7 yanvar (AZƏRTAC). “Azərbaycan diasporuna dövlət qayğısı” adlı kitab çap olunmuşdur.
Diasporla İş üzrə Dövlət Komitəsinin hazırladığı bu nəşr Azərbaycan dövlətinin diasporumuzun inkişafına göstərdiyi diqqət və qayğıdan bəhs edən III kitabdır. Burada Azərbaycan Prezidenti İlham Əliyevin diaspor quruculuğu işinin təkmilləşdirilməsinə, xarici ölkələrdə yaşayan soydaşlarımızın problem və qayğılarının həllinə xidmət edən fərman və sərəncamları, dünya azərbaycanlılarına, həmçinin diaspor təşkilatlarının toplantılarına müraciətləri və digər mühüm sənədlər, habelə forum və qurultaylardakı çıxışları, diaspor nümayəndələri ilə görüşlərinə dair məlumatlar toplanmışdır.
“Azərbaycan diasporuna dövlət qayğısı” kitabı Azərbaycan Respublikasının diaspor quruculuğu sahəsindəki dövlət siyasəti ilə maraqlanan geniş oxucu kütləsi üçün nəzərdə tutulmuşdur. Eyni zamanda, bu topludan dünyanın hansı ölkəsində yaşamasından asılı olmayaraq doğma Vətənə, dövlətçiliyimizə bağlı olan hər bir azərbaycanlı stolüstü kitabı kimi istifadə edə bilər.
######
Bölmənin digər xəbərləri
