AZƏRBAYCAN DÖVLƏT BƏDƏN TƏRBİYƏSİ VƏ İDMAN AKADEMİYASININ KOMANDASI AZƏRBAYCAN ÇEMPİONU OLMUŞDUR
Bakı, 16 iyun (AZƏRTAC). Azərbaycan Dövlət Bədən Tərbiyəsi və İdman Akademiyasının (ADBTİA) futbol komandası ali məktəb tələbələri arasında ümummilli lider Heydər Əliyevin xatirəsinə həsr olunmuş ölkə çempionatının qalibi olmuşdur. ADBTİA finalda Azərbaycan Texniki Universitetinin komandasını 1:0 hesabı ilə məğlub edərək, yarışın qızıl medallarına sahib olmuşdur.
Üçüncü yer uğrunda görüşdə Azərbaycan Beynəlxalq Universitetinin komandası Dövlət Neft Akademiyasının kollektivi üzərində 6:2 hesabı ilə qələbə qazanaraq bürünc medallara layiq görülmüşdür.
Çempionatın baş sponsoru olan Azərbaycan Dövlət Neft Şirkəti tərəfindən qalib və mükafatçı komandalara pul mükafatları təqdim olunmuşdur.
Qalib komandaya 20 min manat, ikinci-üçüncü yeri tutmuş kollektivlərə isə, müvafiq olaraq 15 min və 10 min manat məbləğində pul mükafatı verilmişdir.
######
 |
 |
 |
 |
Bölmənin digər xəbərləri
