Bakı, 13 sentyabr, AZƏRTAC

Cari ilin yanvar-iyul aylarında Azərbaycan əhalisinin sayı 23 min 477 nəfər və ya 0,2 faiz artaraq 2024-cü ilin avqust ayının 1-nə 10 milyon 204 min 247 nəfərə çatıb.

AZƏRTAC xəbər verir ki, bu barədə Dövlət Statistika Komitəsinin açıqladığı statistik məlumatda qeyd edilib. Bildirilib ki, əhalinin 54,5 faizini şəhər, 45,5 faizini kənd sakinləri, 49,8 faizini kişilər, 50,2 faizini isə qadınlar təşkil edir.