“AZƏRBAYCAN EVİ” XOCALI FACİƏSİNİN 18-Cİ İLDÖNÜMÜ ƏRƏFƏSİNDƏ STRASBURQDA SİSLSİLƏ TƏDBİRLƏR KEÇİRƏCƏKDİR
Bakı, 21 fevral (AZƏRTAC). Strasburqda fəaliyyət göstərən “Azərbaycan Evi” XX əsrin ən dəhşətli faciələrindən biri- Xocalı soyqırımının 18-ci ildönümü ilə əlaqədar fevralın 24-dən 28-dək, Strasburq Universitetinin Türkoloji Departamenti və Yazılı və Sinxron Tərcümə və Beynəlxalq Əlaqələr İnsitututu (İTİRİ) ilə birlikdə konfranslar, dəyirmi masalar və görüşlər keçirəcəkdir.
Bu tədbirlərdə Prezident Administrasiyasının məsul işçiləri, Milli Məclisin deputatları, Azərbaycanlıların və digər Türkdilli Xalqların Əməkdaşlıq Mərkəzinin, eləcə də Avropa ölkələrində fəaliyyət göstərən Azərbaycan və türk diaspor təşkilatlarının nümayəndələri iştirak edəcəklər.
Fevralın 27-də Strasburqun küçələrindən mərkəzi Kileber meydanına qədər yürüş-mitinq də keçiriləcəkdir.
Bu tədbirlərin məqsədi fransız və digər xalqlarının diqqətini ermənilərin azərbacanlılara qarşı törətdikləri faciələrə, xüsusən də Xocalı soyqırımına cəlb etməkdir.
Bölmənin digər xəbərləri
