AZƏRBAYCAN GƏNCLƏRİ VƏTƏNİMİZİN DAHA DA ÇİÇƏKLƏNMƏSİ NAMİNƏ ƏZMLƏ VƏ FƏDAKARCASINA ÇALIŞMALIDIRLAR
AZƏRTAC xəbər verir ki, Səbail Rayon İcra Hakimiyyətində 2 Fevral - Azərbaycan Gəncləri günü münasibətilə rayon gəncləri ilə görüş keçirilmişdir.
Rayon icra hakimiyyəti başçısının birinci müavini Xalidə Bayramova hər bir xalqın gələcəyinin onun gəncləri ilə sıx bağlı olduğunu vurğulayaraq qeyd etmişdir ki, Azərbaycan əhalisinin yarıdan çoxunu gənclər təşkil edir. Məhz buna görə də gənclər mükəmməl təhsil almalı, bütün qüvvə və bacarıqlarını dövlətimizin inkişafına səfərbər etməli, Vətənimizin daha da çiçəklənməsi naminə əzmlə və fədakarcasına çalışmalıdırlar.
Görüşdə çıxış edən digər natiqlər ümummilli liderimiz Heydər Əliyevin gənclərə göstərdiyi diqqət və qayğının bu gün Prezident İlham Əliyev tərəfindən uğurla davam etdirilməsini yüksək qiymətləndirmişlər.
Sonda gənclər siyasətinin həyata keçirilməsində fərqlənənlərə fəxri fərmanlar və hədiyyələr verilmişdir.
Bölmənin digər xəbərləri
