Azərbaycan Gənclərinin Avropaya İnteqrasiya Təşkilatının nümayəndələri İsmayıllı rayonunda ağacəkmə kampaniyasında fəal iştirak etmişlər
Bakı, 14 aprel (AZƏRTAC). Azərbaycan Gənclərinin Avropaya İnteqrasiya Təşkilatının (AGAT) nümayəndələri Jalə Əliyeva və Fəridə Əkbərli Azərbaycan Qızıl Aypara Cəmiyyətinin təşkil etdiyi “Şərq iqlimi forumu” çərçivəsində İsmayıllı rayonunun Talıstan kəndində ağacəkmə kampaniyasında iştirak etmişlər.
Məqsəd iqlim dəyişkənliyi şəraitində ekologiyanın pozulmasının qarşısını almağa töhfə verməkdir.
AGAT-dan AZƏRTAC-a bildirmişlər ki, kampaniyada kənd bələdiyyəsinin nümayəndələri, İsmayıllı rayonunun, Azərbaycan Qızıl Aypara Cəmiyyətinin və QHT-lərin nümayəndələri, Talıstan kəndinin məktəbliləri iştirak etmişlər.
Kampaniya çərçivəsində İsmayıllı rayonunun Talıstan kəndində əlli ədəd ağac əkilmişdir.
Bölmənin digər xəbərləri
