Azərbaycan gimnastı İspaniyada bürünc medal qazanıb
Bakı, 23 iyun, AZƏRTAC
Aerobika gimnastikası üzrə Azərbaycan millisinin üzvü Arif Məmmədzadə İspaniyanın Cunit şəhərində keçirilən beynəlxalq turnirdə fəxri kürsüyə qalxıb.
Gimnastika Federasiyasından AZƏRTAC-a bildiriblər ki, fərdi proqramda 14.050 xal toplayan idmançı bürünc medal qazanıb.
Üç gün davam edən turnirdə fərdi, qrup, qarışıq cütlük, üçlük və aerodans proqramları üzrə çıxış edən digər yığma üzvləri mükafatçılar sırasında yer ala bilməyiblər.
Bölmənin digər xəbərləri
