AZƏRBAYCAN GİMNASTININ REYTİNQİ ARTMIŞDIR

06.11.2003 [20:29]
Çap et
A⁺ A^-

Beynəlxalq Gimnastika Federasiyası (BGF) Bədii gimnastika növündə yeni təsnifat siyahısını dərc etmişdir. Dünya təsnifatına görə, Azərbaycan gimnastı Dinara Gimatova 48 xalla ispaniyalı Almudena Sidlə 12-ci yeri bölüşdürür. O, rusiyalılar Olqa Kapranova və Zarina Gizikova və ukraynlı Natalya Qodunko kimi təcrübəli gimnastlardan irəlidədir. Azərbaycan Gimnastika Federasiyasının mətbuat xidmətindən AZƏRTAC-ın müxbirinə bildirmişlər ki, yığma komandamızın lideri əvvəlki reytinqlə müqayisədə öz nəticəsini yaxşılaşdırmışdır. Belə ki, həmin reytinqdə Dinara 28 xalla 13-cü yer tuturdu.

Dinara Gimatovanın dünya təsnifatında bir pillə qalxması son mötəbər turnirlərdə uğurlu çıxışlarına sübutdur. Budapeştdə keçirilən dünya çempionatında çoxnövlülükdə 8-ci yer tutaraq, gələn ilin Afina Olimpiya oyunlarına lisenziya qazanması, eləcə də Minskdə beynəlxalq “Qran-pri” yarışlarında ümumi hesabda 5-ci yerə çıxması bunu bir daha təsdiqləyir.

Azərbaycan gimnastının noyabrın 22-23-də İnsbrukda “Qran-pri”nin final yarışlarında, noyabrın axırında Zaqrebdə (Xorvatiya) və dekabrın əvvəlində Perucada (İtaliya) keçiriləcək beynəlxalq turnirlərdə iştirak edəcəyini nəzərə alsaq, ümid bəsləmək olar ki, milli yığma komandamızın lideri bu yarışlarda da uğurlu çıxışı ilə dünya təsnifat siyahısında daha yüksək pilləyə qalxacaqdır.

AZƏRBAYCAN GİMNASTININ REYTİNQİ ARTMIŞDIR

MÜƏLLİFLƏ ƏLAQƏ

Bölmənin digər xəbərləri