Azərbaycan gimnastları Rusiyada iki medal qazanıblar
Bakı, 26 may, AZƏRTAC
Azərbaycan idmançıları Rusiyanın Krasnodar şəhərində batut gimnastikası üzrə keçirilmiş beynəlxalq turnirdə uğurla çıxış ediblər.
Azərbaycan Gimnastika Federasiyasından AZƏRTAC-a verilən məlumata görə, təmsilçilərimiz yarışda iki medal qazanıblar. Yeniyetmələr yaş kateqoriyasında mübarizə aparan Ömər Qasımlı və Fərhad Mustafayev sinxron proqramda 42.850 xalla gümüş medalın sahibi olublar.
Böyüklər yaş kateqoriyasında çıxış edən Selcan Mahsudova və Maqsud Mahsudov isə sinxron proqramda 49.300 xal toplayaraq bürünc medala layiq görülüblər.
Bölmənin digər xəbərləri
