AZƏRBAYCAN İLƏ BELARUS ARASINDA TİCARƏT DÖVRİYYƏSİ ARTMIŞDIR
Komitə sədri ticarət dövriyyəsinin 2003-cü ilə nisbətən 2,5 dəfə artdığını xatırlatmış, lakin bunun daha da artırılması üçün imkanların olduğunu bildirmişdir. Azərbaycan və Belarus gömrük xidmətlərinin qarşılıqlı münasibətlərindən danışan Aydın Əliyev Müstəqil Dövlətlər Birliyi Gömrük Xidməti Rəhbərləri Şurası çərçivəsində əməkdaşlığın perspektivlərindən söhbət açmışdır. O, son on il ərzində Azərbaycanda bütün sahələrdə olduğu kimi, gömrük sistemində də xeyli irəliləyişin baş verdiyini diqqətə çatdırmış, gələn ilin fevralında Bakıda saxta dərmanların dövriyyəsi ilə bağlı beynəlxalq konfransın keçiriləcəyi barədə məlumat vermişdir.
Səfir Nikolay Pastkeviç Azərbaycanda bütün sahələrdə böyük inkişafın getdiyini, iki ölkə prezidentlərinin məqsədyönlü siyasəti nəticəsində sürətli iqtisadi dirçəlişə nail olunduğunu bildirmişdir. Diplomat iqtisadi əlaqələrin bundan sonra da inkişaf etdirilməsinin vacibliyini önə çəkmiş, ticarət dövriyyəsinin artırılması, gömrük işi sahəsində ikitərəfli münasibətlərin yüksək səviyyəyə qaldırılması üçün səylər göstərəcəyini vurğulamışdır.
Görüşdə qarşılıqlı maraq doğuran digər məsələlər barəsində fikir mübadiləsi aparılmışdır.
Bölmənin digər xəbərləri
