AZƏRBAYCAN İLƏ DİPLOMATİK MÜNASİBƏTLƏR ABŞ-IN XARİCİ SİYASƏTİNDƏ MÜHÜM YER TUTUR
“On beş il bundan öncə müstəqil Azərbaycan ilə əlaqələr yaratmaq heç ağlımıza gəlməzdi. Bu gün isə biz ölkələrimiz arasında diplomatik münasibətlər qurulmasının 10 illiyini qeyd edirik”. Bu fikri ABŞ Dövlət Departamenti mətbuat xidməti katibinin müavini Filip Riker Vaşinqtonun Xarici Mətbuat Klubunda media nümayəndələri qarşısındakı çıxışında söyləmişdir. O, bəyan etmişdir ki, bu diplomatik münasibətlər Amerika Birləşmiş Ştatlarının xarici siyasətində mühüm yer tutur. ABŞ-Azərbaycan diplomatik əlaqələrinin qurulması tarixindən məmnunluqla bəhs edən dövlət departamentinin nümayəndəsi həmin münasibətlərin bundan sonra da davamlı olacağına ümid bəslədiyini vurğulamışdır.
Filip Riker ölkələrimizin birgə məqsəd və maraqlarına xidmət üçün açılan yolların böyük əhəmiyyət daşıdığını bildirmişdir.
AZƏRTAC-ın xüsusi müxbiri
Şəfəq Akifqızı
Vaşinqton
Bölmənin digər xəbərləri
