Azərbaycan ilə İtaliya arasında hərbi və hərbi-təhsil sahəsində əməkdaşlığının perspektivləri müzakirə edilmişdir
Bakı, 8 may (AZƏRTAC). Mayın 8-də Azərbaycan Respublikasının müdafiə naziri, general-polkovnik Zakir Həsənov İtaliya Senatının müdafiə komissiyasının sədri Nikola Latorre ilə görüşmüşdür.
Müdafiə Nazirliyinin mətbuat xidmətindən AZƏRTAC-a bildirmişlər ki, görüşdə bölgədəki hərbi-siyasi vəziyyət, Ermənistan-Azərbaycan, Dağlıq Qarabağ münaqişəsi, dövlətlərimizin regional təhlükəsizliyə verdiyi töhfələr, o cümlədən Azərbaycan ilə İtaliya arasında hərbi və hərbi-təhsil sahəsində əməkdaşlığın perspektivləri və qarşılıqlı maraq doğuran digər məsələlər ətrafında fikir mübadiləsi aparılmışdır.
Görüşdə İtaliyanın ölkəmizdəki səfiri Ciampaolo Kutillo iştirak etmişdir.
Bölmənin digər xəbərləri
