MƏDƏNİYYƏT
Azərbaycan ilə Özbəkistan arasında turizm sahəsində əməkdaşlıq müzakirə edilib
Daşkənd, 15 aprel, AZƏRTAC
Azərbaycanın Özbəkistandakı səfiri Hüseyn Quliyev “Özbəkturizm” milli şirkətinin rəhbəri Fərrux Rzayevlə görüşüb.
F.Rzayev turizm sahəsində əlaqələrin inkişafı istiqamətində görüləcək işlərdən danışıb.
Hüseyn Quliyev Azərbaycanla Özbəkistan arasında bütün sahələrdə əməkdaşlığın inkişafından məmnun olduğunu bildirib.
Səfir deyib ki, mədəni-humanitar, o cümlədən turizm sahəsi əməkdaşlığımızın prioritet istiqamətlərindəndir və bu istiqamətdə işlər davam etdiriləcək.
Söhbət zamanı turizm sahəsində birgə əməkdaşlığın daha da dərinləşdirilməsi, beynəlxalq təşkilatlar çərçivəsində qarşılıqlı dəstək, turizmin müxtəlif sahələrinə dair birgə layihələrin həyata keçirilməsi və digər məsələlər müzakirə olunub.
Görüşdə “Özbəkturizm”in beynəlxalq əlaqələr şöbəsinin müdiri Diyor Pulatov, səfirliyin birinci katibi, Heydər Əliyev adına Azərbaycan Mədəniyyət Mərkəzinin direktoru Samir Abbasov da iştirak ediblər.
Qulu Kəngərli
AZƏRTAC-ın xüsusi müxbiri
Daşkənd