Azərbaycan Konqreslər Bürosu “ACE of MICE 2015” sərgisində iştirak edib
Bakı, 2 mart, AZƏRTAC
Mədəniyyət və Turizm Nazirliyinin nəzdində ölkəmizdə işgüzar turizmin inkişafı üzrə strategiyanın həyata keçirilməsi məqsədilə yaradılan Azərbaycan Konqreslər Bürosu “ACE of MICE 2015” - konqres, görüş və tədbirlər sahəsi üzrə beynəlxalq turizm sərgisində iştirak edib.
Nazirliyin mətbuat xidmətindən AZƏRTAC-a bildirilib ki, beynəlxalq işgüzar turizm bazarında önəmli yer tutan “ACE of MICE” sərgisi Türkiyənin İstanbul şəhərində baş tutub.
Əsas məqsədi Azərbaycanın biznes turizminin təbliği olan Azərbaycan Konqreslər Bürosu bu beynəlxalq əhəmiyyətli sərgidə ilk dəfə olaraq öz stendi ilə iştirak edib.
Sərgi zamanı, büro alıcılarla 100-dən çox üz-üzə görüşlər keçirib.
“ACE of MICE 2015” sərgisində təxminən 170 şirkət, 600 təcrübəli alıcı və 10 minə yaxın peşəkar ziyarətçi bir araya gəlib.
Bölmənin digər xəbərləri
