Bakı, 6 may, AZƏRTAC

Mayın 6-da Böyük Britaniya və Şimali İrlandiya Kralı III Çarlzın tacqoyma mərasimi keçirilib.

Milli Məclisin Mətbuat və ictimaiyyətlə əlaqələr şöbəsindən AZƏRTAC-a bildiriblər ki, Londonun Vestminster Abbatlığında təşkil olunan mərasimdə Azərbaycanı Milli Məclisin sədri Sahibə Qafarova təmsil edib. Mərasimdə bir çox dövlət və hökumət başçıları da daxil olmaqla, iki mindən çox qonaq iştirak edib.

Qeyd edək ki, mərasimdə spiker Sahibə Qafarova, Birləşmiş Krallığın xarici işlər naziri James Cleverly, Türkiyə Cümhuriyyətinin vitse-prezidenti Fuat Oktay, Qazaxıstan Parlamenti Məclisinin sədri Yerlan Koşanov və Özbəkistan Baş nazirinin müavini Cəmşid Kuçkarovla görüşüb.