AZƏRBAYCAN ÖZ MİLLİ MARAQLARINI HEÇ KİMƏ GÜZƏŞTƏ GETMƏZ
AZƏRTAC xəbər verir ki, Prezident İlham Əliyev Azərbaycan Respublikasının diplomatik xidmət orqanları rəhbərlərinin ikinci müşavirəsində bildirmişdir ki, Azərbaycanın xarici siyasətinin çox uğurlu olmasını tərəfdaşlarımız da bilirlər. Bəzən sual da verilir, necə olur ki, Azərbaycan bütün ölkələrlə ən yüksək səviyyədə münasibətlər qurub, ancaq heç bir güzəştə getmir? Adətən böyük olmayan ölkələr nəyisə güzəştə verib, hansısa imtiyazlar əldə edirlər, yaxud da, hansısa xüsusi münasibətlərə meyilli olurlar.
Azərbaycanın mövqeyinin həmişə birmənalı olduğunu vurğulayan dövlət başçısı bildirmişdir ki, biz öz milli maraqlarımızı heç kimə güzəştə getmərik. Azərbaycanın milli maraqları birinci məsələdir. Ancaq bizim təcrübəmiz, siyasətimiz onu göstərir ki, milli maraqların tam şəkildə müdafiə olunması ilə bərabər, bütün ölkələrlə qarşılıqlı surətdə faydalı əməkdaşlığın yaradılması mümkündür. Azərbaycanın timsalında biz bunu görürük.
Bölmənin digər xəbərləri
