Azərbaycan pambıq lifi və ipliyinin ixracını artırıb
Bakı, 27 mart, AZƏRTAC
Bu ilin ilk 2 ayında Azərbaycandan 17 min 883 ton pambıq lifi və 1529 ton pambıq ipliyi ixrac olunub.
AZƏRTAC xəbər verir ki, bu barədə Dövlət Gömrük Komitəsi (DGK) məlumat yayıb.
Yanvar-fevral aylarında ixrac edilən pambıq lifinin dəyəri 25 milyon 961 min, pambıq ipliyinin dəyəri isə 3 milyon 670 ABŞ dolları olub.
Ötən ilin eyni dövründə ölkədən 10 milyon 81 min dollarlıq 6 min 443 ton pambıq lifi, 3 milyon 402 min dollarlıq 1400 ton pambıq ipliyi ixrac edilib.
Bölmənin digər xəbərləri
