Azərbaycan polisinə yeni xidməti avtomobillər verilib
Bakı, 12 dekabr, AZƏRTAC
Daxili işlər orqanları əməkdaşlarına yeni xidməti avtomobillər verilib.
AZƏRTAC xəbər verir ki, yeni pikap avtomobilləri müasir mobil cihazlarla təmin olunub. ABŞ istehsalı olan bu avtomobillər artıq polis əməkdaşlarına təqdim edilib. Onlar əsasən post-patrul xidmətinin şəxsi heyəti üçün nəzərdə tutulub.
Dünyanın bir çox ölkələrinin polis orqanlarının istifadəsində olan bu avtomobillər daha yüksək manevr qabiliyyətinə malikdir.
Azərbaycan polisi artıq yeni avtomobillərlə xidmətə başlayıblar. Yeni avtomobillərdən respublikanın bütün şəhər və rayonlarında istifadə olunacaq.
Bölmənin digər xəbərləri
