AZƏRBAYCAN RESPUBLİKASI BAŞ PROKURORLUĞUNUN MÜSBƏT İŞ TƏCRÜBƏSİ YÜKSƏK QİYMƏTLƏNDİRİLMİŞDİR
İclasda cinayətkarlığa qarşı mübarizə, insan və vətəndaş hüquq və azadlıqlarının, qanunçuluğun təmin olunması sahəsində MDB üzv dövlətləri baş prokurorluqlarının əməkdaşlığı və qarşılıqlı əlaqələrinə dair bir sıra aktual məsələlər müzakirə olunmuşdur.
Azərbaycan nümayəndə heyəti Beynəlxalq Prokurorlar Assosiyasiyasının “Qarşılıqlı hüquqi yardım” və “Prokurorlar üçün insan hüquqlarına dair rəhbər tövsiyələr” adlı vəsaitlərinin Azərbaycan Respublikası Baş Prokurorluğu tərəfindən rus dilinə tərcümə edilərək assosiasiya üzvlərinin istifadəsinə verildiyini tədbir iştirakçılarının diqqətinə çatdırmışdır.
MDB üzv dövlətləri Baş Prokurorları Əlaqələndirmə Şurası İcraiyyə Komitəsinin katibi E.Yakubovski “Prokurorluq işçilərinin etik davranış Kodeksi”nin hazırlanmasını Azərbaycan Respublikası Baş Prokurorluğunun müsbət iş təcrübəsi kimi xüsusi qeyd etmişdir.
Gündəlikdəki bütün məsələlər üzrə Azərbaycan Respublikası Baş Prokurorluğunun nümayəndə heyətinin mövqeləri iştirakçıların diqqətinə çatdırılmışdır.
Rusiya Federasiyasının baş prokuroru Yuri Çayka MDB üzv dövlətləri Baş Prokurorları Əlaqələndirmə Şurasının sədri seçilmişdir.
MDB üzv dövlətləri Baş Prokurorları Əlaqələndirmə Şurasının növbəti iclasının 2007-ci ilin mart ayında Qazaxstanda keçirilməsi qərara alınmışdır.
Səfər çərçivəsində MDB-yə daxil olan bir sıra ölkələrin baş prokurorluqlarının məsul işçiləri ilə görüşlərdə Azərbaycan Respublikası Prezidentinin rəhbərliyi ilə ölkəmizdə uğurla həyata keçirilən hərtərəfli islahatlar barədə ətraflı məlumat verilmişdir.
İclasın sonunda nümayəndə heyəti rəhbərlərinin kütləvi informasiya vasitələri üçün mətbuat konfransı keçirilmişdir.
Bölmənin digər xəbərləri
