AZƏRBAYCAN RESPUBLİKASI BAŞ PROKURORLUĞUNUN VƏ DAXİLİ İŞLƏR NAZİRLİYİNİN MƏTBUAT XİDMƏTLƏRİNİN BİRGƏ MƏLUMATI
2002-ci il martın 13-də təxminən saat 19.15 radələrində Bakı şəhərinin Nizami küçəsindəki 12 nömrəli binanın 4-cü blokunun 1-ci mərtəbəsinə giriş hissəsində naməlum şəxslər tərəfindən odlu silahdan açılmış atəşlərlə Azərbaycan Respublikası Baş Prokurorluğunun Ağır cinayətlərə dair işlər üzrə istintaq idarəsinin rəis müavini, kriminalistika şöbəsinin rəisi, baş ədliyyə müşaviri Rövşən Ədalət oğlu Əliyev qətlə yetirilmişdir.
Faktla bağlı zərər çəkmiş şəxsin xidməti vəzifəsini yerinə yetirməsi ilə əlaqədar onu qabaqcadan əlbir olan bir qrup şəxs tərəfindən öldürməyə və qanunsuz silah saxlamağa görə Respublika Prokurorluğu tərəfindən cinayət işi başlanmışdır.
Respublika Prokurorluğu və Daxili İşlər Nazirliyi tərəfindən peşəkar işçilərdən ibarət istintaq-əməliyyat qrupu yaradılmışdır. Təxirəsalınmaz istintaq-əməliyyat tədbirləri həyata keçirilir. İstintaq davam etdirilir və cinayətkarların ifşa olunması üçün zəruri tədbirlər görülür.
Bölmənin digər xəbərləri
