AZƏRBAYCAN RESPUBLİKASI DÖVLƏT NEFT FONDUNUN MƏLUMATI
Azərbaycan Respublikasının Dövlət Neft Fondu bildirir ki, Fondun 2001-ci ildə maliyyə fəaliyyəti haqqında hesabatının auditorunun seçilməsi məqsədi ilə açıq tender keçirilmişdir.
Tenderdə Azərbaycan Respublikasında auditor fəaliyyəti ilə məşğul olmaq üçün müvafiq lisenziyaya malik “Artur Andersen MMM”, “Ernst ənd Yanq (SİS) Ltd”, “Sentral Eyşə Biznes Konsaltants Ltd” (“Deloyt ənd Tuş” şirkəti ilə alyansda) və “Praysuoterhauskupers İsten Yurop B.V.” şirkətləri iştirak etmişlər.
Bu şirkətlər tərəfindən təqdim edilmiş tender təkliflərinin qiymətləndirilməsi nəticəsində “Ernst ənd Yanq (SİS) Ltd” şirkətinin Azərbaycan Respublikasındakı nümayəndəliyi tenderin qalibi müəyyən edilmiş və Azərbaycan Respublikasının Dövlət Neft Fondu haqqında Əsasnaməyə uyğun olaraq, Azərbaycan Respublikasının Prezidenti tərəfindən Fondun 2001-ci ildə maliyyə fəaliyyəti haqqında hesabatının auditoru təyin edilmişdir.
Bölmənin digər xəbərləri
