AZƏRBAYCAN RESPUBLİKASININ BƏZİ QANUNVERİCİLİK AKTLARINA ƏLAVƏ VƏ DƏYİŞİKLİKLƏR EDİLMƏSİ BARƏDƏ
AZƏRBAYCAN RESPUBLİKASININ QANUNU
Azərbaycan Respublikasının Milli Məclisi qərara alır:
I. Azərbaycan Respublikası Su Məcəlləsinin (Azərbaycan Respublikasının Qanunvericilik Toplusu, 1998-ci il, №3, maddə 135; 1999-cu il, № 8, maddə 476; 2002-ci il, № 5, maddə 237; 2003-cü il, №1, maddə 10; 2004-cü il, №2, maddə 57; 2006-cı il, №11, maddə 923; 2007-ci il, №5, maddə 436, №10, maddə 938) 84-cü maddəsinin birinci hissəsindən altıncı abzas çıxarılsın, aşağıdakı məzmunda beşinci abzas əlavə edilsin və beşinci abzas altıncı abzas hesab edilsin:
“su mənbələrinin və mineral bulaqların sanitar mühafizə zonalarında, çatlı süxurların və sulu təbəqələrin səthə çıxdığı yerlərdə, habelə içməli su təchizatı və təsərrüfat-məişət ehtiyacları üçün istifadə olunan yeraltı su obyektlərinin sututar sahələrində istehsalat və məişət tullantılarının basdırılması;”.
II. “Yerin təki haqqında” Azərbaycan Respublikası Qanununun (Azərbaycan Respublikasının Qanunvericilik Toplusu, 1998-ci il, №4, maddə 224; 1999-cu il, №8, maddə 476; 2001-ci il, №11, maddələr 673, 696, №12, maddə 736; 2004-cü il, №7, maddə 505; 2007-ci il, №8, maddə 745, Azərbaycan Respublikasının 2007-ci il 9 oktyabr tarixli 429-IIIQD nömrəli Qanunu) 21-ci maddəsinin birinci hissəsində aşağıdakı dəyişikliklər edilsin:
1. onuncu abzasda “qazıntılar olan və ya dağ-mədən işləri aparılan zonalarda” sözləri “qazıntı yataqlarının olduğu yerlərin çirklənməsinə və yeraltı işlərin aparılmasına təhlükə yarandığı hallarda, faydalı qazıntı laylarının olduğu və yeraltı işlərin aparıldığı yerlərdə” sözləri ilə əvəz edilsin;
2. on üçüncü abzasda “içməli, yaxud sənayenin su təchizatı üçün istifadə edilən sututarlarda və yeraltı sular yayılan yerlərdə” sözləri “çatlı süxurların və sulu təbəqələrin səthə çıxdığı yerlərdə, habelə içməli su təchizatı və təsərrüfat-məişət ehtiyacları üçün istifadə olunan yeraltı su obyektlərinin sututar sahələrində” sözləri ilə əvəz edilsin.
III. Ətraf mühitin mühafizəsi haqqında” Azərbaycan Respublikası Qanununun (Azərbaycan Respblikasının Qanunvericilik Toplusu, 1999-cu il, №8, maddə 472; 2001-ci il, №3, maddə 148; 2002-ci il, №5, maddə 238; 2003-cü il, №4, maddə 178; 2004-cü il, №2, maddə 57, №4, maddə 201) 36-cı maddəsindən və 42-ci maddəsinin 1-ci hissəsinin 2-ci cümləsindən “zərərli” sözü çıxarılsın.
IV. Azərbaycan Respublikası İnzibati Xətalar Məcəlləsinin (Azərbaycan Respublikasının Qanunvericilik Toplusu, 2000-ci il, №8, I kitab, maddə 584; 2001-ci il, №1, maddə 24, №3, maddə 139, №7, maddə 455, №11, maddələr 680, 698, №12, maddə 731; 2002-ci il, №1, maddə 9, №4, I kitab, maddə 165, №5, maddələr 234, 237, 239, №6, maddə 326, №8, maddə 463, №12, maddə 692; 2003-cü il, №1, maddələr 3, 13, 23, №4, maddələr 177, 178, №5, maddə 228, №6, maddələr 257, 276, 279, №8, maddələr 407, 425, №12, I kitab, maddələr 676, 696, II kitab, maddələr 713, 714; 2004-cü il, №1, maddələr 6, 7, 10, 13, №4, maddələr 200, 201, 204, №5, maddələr 313, 314, 317, 321, №6, maddə 397, №8, maddələr 596, 597, №10, maddələr 762, 779, №11, maddə 900, №12, maddə 973; 2005-ci il, №1, maddələr 5, 6, №2, maddə 61, №4, maddələr 272, 273, 275, 278, №6, maddələr 462, 466, №7, maddə 576, №8, maddələr 691, 692, №10, maddələr 875, 877, 904, №11, maddələr 993, 994, 995, №12, maddələr 1083, 1085; 2006-cı il, №2, maddələr 64, 68, №3, maddələr 219, 220, 223, 225, №5, maddə 385, №6, maddə 478, №11, maddələr 923, 924, 932, №12, maddələr 1005, 1020, 1024; 2007-ci il, №1, maddələr 3, 4, №2, maddələr 65, 68, №5, maddələr 397, 398, 401, 440, №6, maddələr 560, 561, 562, 579, №8, maddə 757; Azərbaycan Respublikasının 2007-ci il 1 oktyabr tarixli 421-IIIQD, 422-IIIQD, 423-IIIQD, 424-IIIQD nömrəli, 9 oktyabr tarixli 429-IIIQD, 430-IIIQD nömrəli, 19 oktyabr tarixli 452-IIIQD, 455-IIIQD, 461-IIIQD nömrəli, 23 oktyabr tarixli 464 -IIIQD nömrəli, 6 noyabr tarixli 478-IIIQD və 481-IIIQD nömrəli qanunları) 104.1-ci maddəsinin dispozisiyası aşağıdakı redaksiyada verilsin:
“104.1.Şəhər və digər yaşayış məntəqələri, meşə-park, kurort, müalicə-sağlamlıq və rekreasiya zonalarının ərazisində, su mənbələrinin və mineral bulaqların sanitar mühafizə zonalarında, çatlı süxurların və sulu təbəqələrin səthə çıxdığı yerlərdə, habelə içməli su təchizatı və təsərrüfat-məişət ehtiyacları üçün istifadə olunan yeraltı su obyektlərinin sututar sahələrində, eyni zamanda faydalı qazıntı yataqlarının olduğu yerlərin çirklənməsinə və yeraltı işlərin aparılmasına təhlükə yarandığı hallarda, faydalı qazıntı laylarının olduğu və yeraltı işlərin aparıldığı yerlərdə tullantıların basdırılmasına görə-“.
V. Bu Qanun dərc edildiyi gündən qüvvəyə minir.
İlham Əliyev
Azərbaycan Respublikasının Prezidenti
Bakı şəhəri, 25 dekabr 2007-ci il.
Bölmənin digər xəbərləri
