AZƏRBAYCAN RESPUBLİKASININ NAZİRLƏR KABİNETİNDƏ
“Azərbaycan Respublikasının Vergi Məcəlləsinə dəyişikliklər və əlavələr edilməsi haqqında” Azərbaycan Respublikası Qanununun tətbiq edilməsi barədə” Azərbaycan Respublikası Prezidentinin 2001-ci il 26 dekabr tarixli Fərmanının 1-ci bəndinin 3-cü abzasının icrasını təmin etmək məqsədi ilə Azərbaycan Respublikasının Nazirlər Kabineti qərara almışdır ki, Azərbaycan Respublikası Nazirlər Kabinetinin bəzi qərarlarına aşağıdakı dəyişikliklər və əlavələr edilsin:
1. Azərbaycan Respublikası Nazirlər Kabinetinin 2000-ci il 21 dekabr tarixli 222 nömrəli qərarı ilə təsdiq edilmiş “Vergi ödəyiçilərinə eyniləşdirmə nömrəsinin verilməsi və tətbiq edilməsi Qaydası”na aşağıdakı əlavə və dəyişikliklər edilsin:
2. 1.5-ci yarımbəndinin 1-ci cümləsi aşağıdakı redaksiyada verilsin:
“Hüquqi şəxsin uçotda olduğu vergi orqanının ərazisindən kənarda fəaliyyət göstərən filialı, nümayəndəliyi və ya digər təsərrüfat subyekti (obyekti) olduqda, hüquqi şəxs vergi ödəyicisi kimi həm özünün olduğu yer üzrə, həm də onun filialının, nümayəndəliyinin və ya digər təsərrüfat subyektinin (obyektinin) olduğu yer üzrə uçota alınır.”;
2.1.6-ci yarımbəndinə aşağıdakı məzmunda 2-ci və 3-cü abzaslar əlavə edilsin:
“Vergilər Nazirliyi tərəfindən müəyyən edilən iri vergi ödəyiciləri və xüsusi vergi rejimli müəssisələr Azərbaycan Respublikası Nazirlər Kabinetinin müəyyən etdiyi qaydada mərkəzləşdirilmiş uçota alına bilər.
Azərbaycan Respublikasının tərəfdar çıxdığı ikiqat vergitutmanın aradan qaldırılması haqqında beynəlxalq müqavilələrə əsasən xarici dövlətin rezidentinin Azərbaycan Respublikasında fəaliyyət göstərən və daimi nümayəndəlik yaratmayan bölmələrinin, habelə Azərbaycan Respublikası Vergi məcəlləsinin 13.2.5.3-cü maddəsinə müvafiq olaraq idarəetmə yerinə görə rezident sayılan hüquqi şəxsin vergi orqanında Azərbaycan Respublikası Nazirlər Kabinetinin müəyyən etdiyi qaydalara uyğun olaraq uçota alınır.”;
1.3-cü bəndində “və nümayəndəlikləri” sözündən sonra “və ya digər təsərrüfat subyektləri (obyektləri)” sözləri, 2.1.1-ci yarımbəndində “nümayəndəlik” sözündən sonra “və ya digər təsərrüfat subyekti (obyekti)” sözləri əlavə edilsin.
2. Azərbaycan Respublikası Nazirlər Kabinetinin 2000-ci il 25dekabr tarixli 228 nömrəli qərarı ilə təsdiq edilmiş “Aksiz markası ilə markalanmalı olan markalanmamış malların siyahıya alınması və məsul saxlamaya qoyulması Qaydaları”na aşağıdakı dəyişikliklər edilsin:
2.2-ci bəndində “hüquqi və ya fiziki şəxsin” sözləri “hüquqi şəxslərin və sahibkarlıq fəaliyyətini hüquqi şəxs yaratmadan həyata keçirən fiziki şəxsin” sözləri ilə əvəz edilsin;
2.2-ci, 2.3-cü və 2.4-cü bəndlərindən “mayanın” sözü çıxarılsın.
3. Azərbaycan Respublikası Nazirlər Kabinetinin 2001-ci il 4 yanvar tarixli 6 nömrəli qərarı ilə təsdiq edilmiş “Malın (işin, xidmətin) bazar qiymətinin müəyyən edilməsi Qaydaları”nın 5.1-ci bəndinə aşağıdakı məzmunda 3-cü abzas əlavə edilsin:
“Vergi ödəyicisi tərəfindən sahibkarlıq fəaliyyətində gəlir (mənfəət) götürmək üçün istifadə edilən malların Vergi Məcəlləsinin 130.1-ci maddəsində müəyyən edilən qaydada uçot sənədlərində əks etdirilməməsinə görə maliyyə sanksiyaları tətbiq olunarkən vergilər malların bazar qiymətləri nəzərə alınaraq hesablanır.”.
4. Azərbaycan Respublikası Nazirlər Kabinetinin 2001-ci il 13 yanvar tarixli 13 nömrəli qərarı ilə təsdiq edilmiş “Xronometraj metodu ilə müşahidə aparılması Qaydaları”nın 2.18-ci bəndində “1 min mislindən” sözləri “300 mislindən” sözləri ilə əvəz edilsin.
5. “Gəlirdən çıxılmalı olan təmir xərclərinin məhdudlaşdırılan həddi barədə” Azərbaycan Respublikası Nazirlər Kabinetinin 2001-ci il 13 yanvar tarixli 14 nömrəli qərarının 1-ci bəndinin 2-ci abzasında “tikililər” sözü “tikintilər” sözü ilə əvəz edilsin, aşağıdakı məzmunda 4-cü abzas əlavə edilsin və 4-cü abzas 5-ci abzas hesab edilsin:
“nəqliyyat vasitələri - 5 faiz;”.
6. Azərbaycan Respublikası Nazirlər Kabinetinin 2001-ci il 19 yanvar tarixli 20 nömrəli qərarı ilə təsdiq edilmiş “Azərbaycan Respublikasının ərazisinə gətirilən aksizli malların aksiz dərəcələri” cədvəlindən “2102”, “1 ton üçün 2 ABŞ dolları” sözləri çıxarılsın.
7. Azərbaycan Respublikası Nazirlər Kabinetinin 2001-ci il 23 fevral tarixli 45 nömrəli qərarı ilə təsdiq edilmiş “Hüquqi şəxslərdən vergilər üzrə borcların və faizlərin alınması Qaydaları”na aşağıdakı əlavə və dəyişikliklər edilsin:
2.2-ci bəndi aşağıdakı redaksiyada verilsin:
“Vergi və ya cari vergi ödəməsi Azərbaycan Respublikasının Vergi Məcəlləsində müəyyən edilmiş müddətdə ödənilmədikdə, ödəmə müddətindən sonrakı hər bir ötmüş gün üçün vergi ödəyicisindən və ya vergi agentindən ödənilməmiş vergi və ya cari vergi ödəməsi məbləğinin 0,05 faizi məbləğində faiz tutulur.”;
2.3-cü bəndi çıxarılsın, 2.4-cü və 2.5-ci bəndləri müvafiq olaraq 2.3-cü və 2.4-cü bəndlər hesab edilsin;
2.3-cü bənddə “59.1-ci və 59.2-ci maddələrində” sözləri 59.1-ci maddəsində” sözü ilə əvəz edilsin;
4.13-cü bəndinə aşağıdakı məzmunda 2-ci abzas əlavə edilsin:
“Siyahıya alınmış əmlakın yararlıq müddəti bu bənddə göstərilən müddət başa çatanadək bitirsə, vergi orqanı dərhal məhkəməyə müraciət edə bilər.”.
8. Azərbaycan Respublikası Nazirlər Kabinetinin 2001-ci il 23 fevral tarixli 49 nömrəli qərarı ilə təsdiq edilmiş “Fiziki şəxslərin gəlir vergisindən azad olunan kompensasiya xarakterli ödəmələrinin Siyahısı”nın 1-ci abzasında “əlavə vəsaitin” sözlərindən sonra “habelə Nazirlər Kabineti tərəfindən müəyyən edilmiş dəniz nəqliyyatında ezamiyyə xərcləri əvəzinə üzücü heyətin üzvlərinə sutkalıq ödənişlərin” sözləri əlavə edilsin.
9. “Azərbaycan Respublikasında istehsal olunan içməli spirtin, mayanın, pivənin, spirtli içkilərin və tütün məmulatlarının aksiz dərəcələri haqqında” Azərbaycan Respublikası Nazirlər Kabinetinin 2001-ci il 7 mart tarixli 61 nömrəli qərarının adından “mayanın” sözü və mətnindən “mayanın”, “mayaya” və “maya 0,5 %” sözləri çıxarılsın.
Bu qərar imzalandığı gündən qüvvəyə minir.
Bu barədə AZƏRTAC-a Nazirlər Kabinetinin mətbuat mərkəzindən məlumat vermişlər.
Bölmənin digər xəbərləri
