AZƏRBAYCAN RESPUBLİKASININ NAZİRLƏR KABİNETİNDƏ
“Azərbaycan Respublikası Vergi Məcəlləsinin təsdiq edilməsi, qüvvəyə minməsi və bununla bağlı hüquqi tənzimləmə məsələləri haqqında” Azərbaycan Respublikası Qanununun və “Azərbaycan Respublikası Vergi Məcəlləsinin tətbiqi ilə əlaqədar Azərbaycan Respublikasının bəzi qanunvericilik aktlarına dəyişikliklər və əlavələr edilməsi və bəzi qanunvericilik aktlarının qüvvədən düşmüş hesab edilməsi barədə” Azərbaycan Respublikası Qanununun tətbiq edilməsi haqqında” Azərbaycan Respublikası Prezidentinin 2001-ci il 26 dekabr tarixli Fərmanının 1-ci bəndinin 3-cü abzasının icrasını təmin etmək məqsədi ilə Nazirlər Kabineti qərara almışdır ki, Nazirlər Kabinetinin bəzi qərarlarına aşağıdakı dəyişikliklər edilsin:
SSRİ Nazirlər Sovetinin 1981-ci il 23 fevral tarixli 209 nömrəli qərarı ilə təsdiq olunmuş, Azərbaycan SSR Nazirlər Sovetinin 1981-ci il 17 mart tarixli 130 nömrəli qərarına əlavə edilmiş “Vətən müharibəsi əlilləri və həlak olmuş hərbi qulluqçuların ailələri üçün güzəştlər haqqında Əsasnamə”nin V bölməsinin 25-ci bəndindən “vergilər və” sözü çıxarılmışdır.
“Böyük Vətən müharibəsi iştirakçılarının və həlak olmuş hərbi qulluqçuların ailələrinin maddi-məişət şəraitini daha da yaxşılaşdırmaq tədbirləri haqqında” Sov. İKP MK-nın və SSRİ Nazirlər Sovetinin 1984-cü il 26 iyul tarixli 812 nömrəli qərarı barədə” Azərbaycan KP MK və Azərbaycan SSR Nazirlər Sovetinin 1984-cü il 18 sentyabr tarixli 372 nömrəli qərarının 6-cı bəndi çıxarılmışdır.
“Sovet İttifaqı Qəhrəmanlarının və Şöhrət ordeninin hər üç dərəcəsi ilə təltif edilmiş şəxslərin maddi-məişət şəraitini daha da yaxşılaşdırmaq haqqında” Sov. İKP MK-nın və SSRİ Nazirlər Sovetinin 1984-cü il 26 iyul tarixli 813 nömrəli qərarı barədə” Azərbaycan KP MK və Azərbaycan SSR Nazirlər Sovetinin 1984-cü il 18 sentyabr tarixli 373 nömrəli qərarının 5-ci bəndi çıxarılmışdır.
“Ümumittifaq iqtisadi cəmiyyətin məsələlərinə dair” SSRİ Nazirlər Sovetinin 1988-ci il 6 noyabr tarixli 1311 nömrəli qərarı barədə” Azərbaycan SSR Nazirlər Sovetinin 1988-ci il 22 noyabr tarixli 409 nömrəli qərarının 1-ci bəndinin 2-ci abzası çıxarılmışdır.
Azərbaycan Respublikası Nazirlər Kabinetinin 1992-ci il 3 mart tarixli 122 nömrəli qərarı ilə təsdiq edilmiş “Təbii ehtiyatlara görə haqq və təbii mühitə atılan zərərli maddələrə görə ödəmələr alınması və bu ödəmələrdən istifadə qaydaları”nın 15-ci bəndinin 2-ci abzasında “vergi” sözü “ödəniş” sözü ilə əvəz edilmiş və həmin abzasdan “və vergi müfəttişliklərinin” sözləri çıxarılmışdır.
Bu qərar imzalandığı gündən qüvvəyə minmişdir.
X X X
“Sosial sığorta haqqında” Azərbaycan Respublikasının Qanununa dəyişikliklər və əlavələr edilməsi barədə” Azərbaycan Respublikası Qanununun tətbiq edilməsi haqqında” Azərbaycan Respublikası Prezidentinin 2001-ci il 26 dekabr tarixli Fərmanının 1-ci bəndinin 3-cü abzasının icrasını təmin etmək məqsədi ilə Nazirlər Kabineti qərara almışdır ki, Nazirlər Kabinetinin 2000-ci il 2 sentyabr tarixli 156 nömrəli qərarı ilə təsdiq edilmiş “Borcların icra qeydləri əsasında mübahisəsiz qaydada alınmasına əsas olan sənədlərin siyahısı”nın III bölməsi çıxarılsın.
Bu qərar imzalandığı gündən qüvvəyə minmişdir.
Bu qərarlar barədə AZƏRTAC-a Nazirlər Kabinetinin mətbuat mərkəzindən məlumat vermişlər.
Bölmənin digər xəbərləri
