ORDU
Azərbaycan sülhməramlıları Cənubi Sudanda keçirilən missiyada xidmətə başlayıblar
![Azərbaycan sülhməramlıları Cənubi Sudanda keçirilən missiyada xidmətə başlayıblar](/files/2019/1/1200x630/15488542683319913820_1200x630.jpg)
Bakı, 30 yanvar, AZƏRTAC
Azərbaycan Ordusunun iki zabiti BMT-nin mandatı altında keçirilən sülhməramlı missiyada iştirak etmək üçün Cənubi Sudanın paytaxtı Cuba şəhərinə gəlib.
Müdafiə Nazirliyinin mətbuat xidmətindən AZƏRTAC-a bildiriblər ki, zabitlərimiz BMT-nin sülhməramlı missiyasının (UNMİSS) komandanlığı altında Cənubi Sudan Respublikasında keçirilən missiyada müşahidəçi qismində fəaliyyətə başlayıblar.
Xatırladaq ki, keçən il noyabrın 30-da Milli Məclis Azərbaycanın 4 nəfərdən ibarət hərbi heyətinin BMT-nin sülhməramlı missiyasının (UNMİSS) komandanlığı altında Cənubi Sudan Respublikasında yerləşdirilməsinə və missiyada iştirak etməsinə razılıq verilməsi haqqında qərar qəbul edib.