Azərbaycan təmsilçiləri Avropa birinciliyinin liderlərindən yarım xal geri qalırlar
Bakı, 11 sentyabr, AZƏRTAC
Rumıniyanın Mamaya şəhərində yeniyetmələr arasında şahmat üzrə Avropa birinciliyinin 5-ci turunun görüşləri keçirilib.
AZƏRTAC xəbər verir ki, turnirdə Avropanın 49 ölkəsindən, o cümlədən Azərbaycandan 1142 gənc şahmatçı iştirak edir.
Azərbaycanlı şahmatçılar arasında ən yaxşı nəticəni 10 yaşınadək oğlanların qrupunda oynayan ustalığa namizəd Read Səmədov göstərib. O, turnirin lideri fransız Mark-Andri Mauritsidən yarım xal geri qalır. Qeyd edək ki, altıncı turda R.Səmədovun rəqibi məhz bu şahmatçı olacaq. FIDE ustası Gövhər Beydullayeva da 14 yaşınadək qızlar arasında 4,5 xal toplayıb. Gövhərin növbəti rəqibi aktivində 4 xalı olan komanda yoldaşı Ləman Hacıyevadır. Azərbaycanın daha bir nümayəndəsi, ustalığa namizəd Aydın Süleymanlı da 12 yaşınadək oğlanların yarışında 4,5 xal toplayıb. O, altıncı turda qara fiqurlarla polşalı Filip Luçakla qarşılaşacaq.
Suadə Abbaszadə, Səmra Qasımova və Ayan Allahverdiyeva hərəyə 4 xal, Xəzər Babazadə və Sadiq Məmmədov isə hərəyə 3,5 xal toplayıblar.
İsveçrə sistemi üzrə 9 turda keçirilən Avropa birinciliyi sentyabrın 14-də başa çatacaq.
Bölmənin digər xəbərləri
