AZƏRBAYCAN TENNİSÇİLƏRİ BEYNƏLXALQ TURNİRLƏRDƏ İŞTİRAK EDİRLƏR
Azərbaycanın dörd tennisçisi Türkiyədə keçiriləcək beynəlxalq turnirlərdə iştirak edəcəkdir. Gənclər, İdman və Turizm Nazirliyinin mətbuat xidmətindən AZƏRTAC-ın müxbirinə bildirmişlər ki, avqustun 13-dən 18-dək İstanbulda keçiriləcək turnirdə 10 ölkənin idmançıları yarışacaqlar. Bu turnirdən dərhal sonra başlanacaq “Boğazıcı turnir”ində isə 20 ölkənin gənc tennisçiləri mübarizə aparacaqlar.
Tennisçimiz Emin Ağayev Avstriyanın Qrats şəhərində keçirilən beynəlxalq “Çellenc-turnir”də uğurla çıxış edir. O, artıq turnirin əsas hissəsinə vəsiqə almışdır. E.Ağayev həm təkbətək, həm də qoşa yarışlarda iştirak edəcəkdir.
Bölmənin digər xəbərləri
