Azərbaycan Turizm İnstitutunda bələdçi kursunu bitirənlərə sertifikatlar təqdim edilmişdir
Bakı, 22 noyabr (AZƏRTAC). Noyabrın 22-də Azərbaycan Turizm İnstitutunda (ATİ) bələdçi kursunu bitirənlərə sertifikatlar təqdim edilmişdir.
AZƏRTAC xəbər verir ki, tədbirdə ATİ-nin rektoru tarix elmləri doktoru, professor Cəfər Cəfərov rəhbərlik etdiyi ali təhsil müəssisəsinin fəaliyyəti və beynəlxalq əlaqələri barədə geniş məlumat vermişdir.
İnstitutun Təlim Mərkəzinin nəzdində turizmlə bağlı bir sıra kurslar fəaliyyət göstərir ki, bunlardan biri də bələdçilik kursudur. Beş ay davam edən bu kursda iştirak edən namizədlərin xarici dil imtahanlarının nəticələri məqbul olduqdan sonra onlar bu təlimlərdə iştirak etmək şansını qazanmışlar.
Kurs nəzəriyyə və praktika olmaqla iki proqram əsasında keçirilmişdir. İlk kursda 16 nəfər iştirak etmiş və onların hər biri kursu dinləyici kimi müvəffəqiyyətlə başa vurmuşdur.
Tədbirdə mədəniyyət və turizm naziri Əbülfəs Qarayev bələdçilik kursunu bitirən dinləyicilərə sertifikatları təqdim etmiş və onlara işlərində uğurlar arzulamışdır.
Bölmənin digər xəbərləri
