Azərbaycan turizm məkanı bu gün özünün tarazlığını qoruyur
Bakı, 10 iyul, AZƏRTAC
Yay mövsümündə xüsusi monitorinq qrupu növbəti monitorinqi keçirəcək. Otellərdə hansı nöqsanlar və çatışmazlıqlar varsa, monitorinq vasitəsilə müəyyən olunacaq. Bu yoxlamalar yayın axırına qədər davam edəcək.
AZƏRTAC xəbər verir ki, bu sözləri jurnalistlərə açıqlamasında mədəniyyət və turizm naziri Əbülfəs Qarayev deyib.
Nazir bildirib ki, 2012-ci ildən bu günədək heç bir turistin yerləşmə müəssisəsində, yaxud turizm şirkətinin qiymətlərində artım olmayıb. Bu, bazarın artıq tənzimlənmiş şəklə gəlməsi deməkdir. Azərbaycandakı otellərdə, istirahət mərkəzlərində 100 faizə qədər yerləşmə var.
Nazir qonşu ölkələrlə müqayisə apararaq qeyd edib ki, bu ölkələr müxtəlif növ qiymətləri təklif edirlər. Azərbaycandakı xidmətlər və turizm imkanları Gürcüstan, İran və ya Rusiya ilə müqayisədə fərqlidir. Biz daha çox tarixi abidələrlə bağlı xidmətlər təklif edirik. Ona görə də o abidələrin dəyərini saxlamağa çalışırıq.
Ə.Qarayev deyib: "Azərbaycan turizm məkanı bu gün özünün tarazlığını qoruyur. Bazar mövcuddur və onun istifadə edənləri var. İndi regionlarda üç ulduzlu otellərin tikilməsi maraq mərkəzindədir".
Bölmənin digər xəbərləri
