Azərbaycan turizm potensialı ilə dünya ölkələrinin diqqətini cəlb edə bilmişdir
Bakı, 15 noyabr (AZƏRTAC). Azərbaycan turizm potensialı ilə dünya ölkələrinin diqqətini cəlb edə bilmişdir. Son dövrdə ölkəyə turist axını xeyli yüksəlmişdir.
AZƏRTAC xəbər verir ki, bu sözləri Dünya Turizm Təşkilatının (DTT) baş katibi Taleb Rifai jurnalistlərə müsahibəsində söyləmişdir.
T.Rifai bildirmişdir ki, Azərbaycanda turizm sektoru sürətlə inkişaf edir. Dünya dövlətlərində böhran olduğu halda, Azərbaycana gələn turistlərin sayında 2011-ci ilin birinci yarısında 15 faiz artım olmuşdur ki, bu da başqa ölkələrlə müqayisədə yüksək göstəricidir. Ümidvarıq ki, bu artım 2012-ci ildə də davam edəcəkdir. Həmçinin 2012-ci ildə Azərbaycanda “Eurovision” musiqi yarışması və bir neçə mühüm mədəniyyət və idman tədbirləri keçiriləcəkdir. DTT Azərbaycanın turizm sektorunda qazandığı nailiyyətlərə hər zaman dəstək verməyə hazırdır.
Bölmənin digər xəbərləri
