Azərbaycan və Yaponiya zəlzələyə davamlı tikinti materialları sahəsində əməkdaşlıq edəcək
Bakı, 5 oktyabr, AZƏRTAC
Azərbaycanla Yaponiya arasında tikinti sahəsində əməkdaşlıq yeni başlayıb. Zəlzələyə davamlı tikinti materialları ilə bağlı əməkdaşlıq gözlənilir.
AZƏRTAC xəbər verir ki, bunu Yaponiyanın Azərbaycandakı fövqəladə və səlahiyyətli səfiri Yuniçi Vada bildirib. Səfir qeyd edib ki, Yaponiya hökuməti iş adamlarının qarşılıqlı fəaliyyətləri üçün istənilən dəstəyi göstərməyə hazırdır. Diplomat əlavə edib ki, gələn il Azərbaycan-Yaponiya hökumətlərarası iclasının Tokioda keçirilməsi nəzərdə tutulur.
Yuniçi Vada bildirib ki, tikinti sahəsi ilə yanaşı yaşıl enerji və İT texnologiyaları ilə bağlı biznes əlaqələrinin qurulması gözlənilir.
Səfir qeyd edib ki, Yaponiyada qeyri-neft sektoruna maraq var. Hətta bəzi məhsulların satışı da mövcuddur. Əksər Yaponiya şirkətləri Azərbaycan məhsullarının yapon bazarlarında satışını reallaşdırıb. “Lakin məhsulların keyfiyyəti artırılmalı və müəyyən prosedur qaydalardan keçməlidir”, - deyə yaponiyalı diplomat bildirib.
Bölmənin digər xəbərləri
