AZƏRBAYCAN YIĞMASI DÜNYA KUBOKUNUN YARIMFİNALINDA
Bakı, 14 iyun (AZƏRTAC). Azərbaycanın taekvondo üzrə yığma komandası dünya kuboku uğrunda turnirin dörddəbir final mərhələsində Koreya Respublikasının komandasına qalib gəlmişdir.
İlk görüşdə Azərbaycan yığmasının heyətində Samir Aydınov
Donq Kyu Kim üzərində 16:7 hesab ilə qələbə qazanmışdır.
Növbəti görüşdə isə Rövşən Məmmədov (63 kq) Senq Vu Sekə 2:6 hesabı ilə uduzmuşdur. İlkin Şahbazov (72 kq) - Ji Xvan Bak görüşü idmançımızın qələbəsi ilə başa çatmışdır- 8:7. Təvəkkül Bayramov (82 kiloqramdan yuxarı) isə Sek Xun Liyə 3:6 hesabı ilə məğlub olmuşdur.
Bu görüşdən sonra komandalar arasında ümumi hesab 2:2 olmuşdur. Yarımfinala vəsiqənin sahibi Ramin Əzizov (82 kq) - Enq min Xan görüşündən sonra məlum olmalı idi. R. Əzizov yalnız əlavə olunmuş vaxtda qələbəyə nail olmuşdur.
Ümumi komanda hesabında Azərbaycan yığması 3:2 hesabı ilə qalib gələrək yarımfinala vəsiqə qazanmışdır. Bu mərhələdə Azərbaycan komandasının rəqibi Türkiyə millisi olacaqdır. Türkiyə yığması dörddəbir final mərhələsində İordaniya millisindən güclü olmuşdur.
Yarımfinal görüşləri saat 16:00-dan başlayacaqdır.
Bölmənin digər xəbərləri
