“Azərbaycanca–özbəkcə-türkcə” danışıq kitabçası çapdan çıxıb
Bakı, 2 may, AZƏRTAC
AMEA Nəsimi adına Dilçilik İnstitutunun Türk dilləri şöbəsinin aparıcı elmi işçisi filologiya üzrə fəlsəfə doktoru Günel Mirzəyevanın “Azərbaycanca -özbəkcə-türkcə” danışıq kitabçası çapdan çıxıb.
İnstitutdan AZƏRTAC-a bildirilib ki, Elmi şuranın qərarı ilə çap olunan danışıq kitabçasının ideya rəhbəri akademik Kamal Abdulla, elmi redaktoru türkoloq Elçin İbrahimov, rəyçiləri professorlar Sadət Muhammedova (Özbəkistan) və İsmayıl Məmmədovdur.
Danışıq kitabçasında özbək yazısının qısa tarixçəsi, eləcə də özbək dilinin latın qrafikası haqqında məlumat verilir. Kitabça özbək, Azərbaycan, türk xalqları arasında mədəni əlaqələrin artmasında, ən əsası da bu sahədə üçdilli lüğət boşluğunun doldurulmasında faydalı olacaq.
Bölmənin digər xəbərləri
