“Azərbaycanda qeyri-ənənəvi turizm sahələrinin inkişaf etdirilməsi” mövzusunda mətbuat konfransı keçirilmişdir
Bakı, 1 noyabr (AZƏRTAC). Noyabrın 1-də Beynəlxalq Mətbuat Mərkəzində Azərbaycanda Regional İnkişaf Mərkəzinin təşkilatçılığı ilə “Azərbaycanda qeyri-ənənəvi turizm sahələrinin inkişaf etdirilməsi” mövzusunda mətbuat konfransı keçirilmişdir.
AZƏRTAC xəbər verir ki, konfransda Azərbaycanda 2011-ci ilin “Turizm ili” elan olunması ilə bağlı bu sahənin inkişafına daha çox diqqət yetirildiyi və bununla bağlı Dövlət Proqramının həyata keçirilməsi xüsusi qeyd edilmişdir.
Bildirilmişdir ki, Azərbaycanda turizm böyük perspektivlərə malikdir. Məqsəd bu sahəyə xarici turistləri cəlb etməklə, ölkəmizə daha çox gəlir gətirməkdir. Bunun uçun əsas turizm sahələri ilə yanaşı avtoturizm, çay turizmi və başqa sahələrin inkişafına önəm verilməlidir.
Tədbirdə mövzu ətrafında çıxışlar olmuş, fikir mübadiləsi aparılmışdır.
Bölmənin digər xəbərləri
