Azərbaycanda sertifikat almadan işləyən turist bələdçilərinin fəaliyyəti qanunsuz hesab ediləcəkdir
Bakı, 22 noyabr (AZƏRTAC). Mədəniyyət və Turizm Nazirliyi ölkədə sertifikat almadan işləyən turist bələdçilərinin fəaliyyətini qanunsuz hesab edəcəkdir.
AZƏRTAC xəbər verir ki, bu fikirləri jurnalistlərə müsahibəsində mədəniyyət və turizm naziri Əbülfəs Qarayev açıqlamışdır.
Nazir bildirmişdir ki, 2012-ci ilin yay aylarına kimi Bakıda 500-ə qədər turist bələdçisinin sertifikat alması nəzərdə tutulmuşdur. Sertifikat alan bələdçilər bu fəaliyyət növü üzrə 5 il müddətinə çalışmaq hüququ əldə edirlər.
Ə.Qarayevin sözlərinə görə turist ölkəyə gəlməzdən əvvəl seçdiyi bələdçi ilə müqavilə bağlaya biləcəkdir. Bunun üçün hər bir bələdçi özü üçün elektron məlumat bazası yaratmalıdır.
Bölmənin digər xəbərləri
